Chilbi 2015 25.09.2015
Liebi Lüt, äs isch wiedermal Lindauer Chilbi gsi,
Schribets eu doch grad wider fürs nägschte Jahr i!
D’ Sunnä isch zwar nöd uftaucht,
Defür hät d’ Spätzlipfanne graucht und gfaucht.
Guet ischs acho s’ neue Gricht us de Pfanne,
Frisch gmacht vo eusne guete, flissige Manne.
Vis à vis sinds go chlättere,
Und bi ois am Mohrechöpf schmättere.
Zersch günne bim Schatzsuechä und Äntlifische,
Denn bi Wisswürscht, Bretzel und Brüllbier erfrische.
Am Sunntig ischs dänn go schiffe gli,
Doch das isch de meischte Turner glich gsi.
S Mäntigs-Training vo de DR1 hät im Zelt gfunde statt,
Und somit sind au sicher alli worde glücklich und satt.
De Räge hät au am Mäntig kei erbarme kennt,
Drumm sind denn au alli schnell under s’ Dach grennt.
Hetts doch nur nöd dure tröpflet,
Dänn wäred no viel me Gäst mit ois ghöcklet.
D’ Turnerfamilie unterstützt eus jedes Jahr ufs neu,
S isch schön z gseh, soviel blibed eus immer treu.
Dasmer eus selber nöd so hettäd müse schluche,
Chönntemer nägst Jahr chli meh Hälfer bruche.
Danke a alli das es isch friedlich und ruhig verloffe,
so tüend mir uf es erfolgrichs nechst Chilbijahr hoffe.
